"Қарағанды қаласының мәдениет және тілдерді дамыту бөлімі" мемлекеттік мекемесі ұйымдастырған ІІ қалалық "Тазша бала" байқауына 27-қазан күні мектебімізден 9"Ә" сынып оқушысы Тайшубекова Гаухар қатысып, жүлделі ІІ орынды иеленіп келді. Байқау үш кезеңнен тұрды. Бірінші тапсырма «Айтпаймын қыз берсең де өтірікті!». Әр қатысушы өзін-өзі өтірік өлеңмен, әзілмен таныстырды. Екінші «Тапқыр Тазша» тапсырмасын орындау барысында әр сайыскер өзіне қойылған сұрақты бір ауыз шындық қоспай жауап беруі қажет болды. Ал үшінші «Тазшаға тоғыз өнер де аз» тапсырмасында қатысушылар би, пантомима, этюд, т.б. ерекше жанрлар бойынша өз өнерлерін көрермендер мен қазылар алқасының сарабына салды.