Ең алғаш мектеп табалдырығын аттаған, 1 «Б» сыныбына тарыдай болып келген бүлдіршіндер желтоқсан айында сүйікті Әліппелерімен қоштасты. Төрт ай ішінде сыныптағы 27 оқушы барлық әріптерді танып, сауатты жазуға дағдыланды. «Рақмет, саған Әліппе!» атты мерекелік шарада оқушылар қалай оқып, жаза білетіндіктерін көрсетті. Сонымен қатар өнер жағынан да құр алақан емес екендіктерін көрсете білді. Сынып жетекшілері Анаргүл Жеңісқызы бүлдіршіндерге «Әліппе кезеңін толық аяқтағандықтары» жөнінде куәліктер тапсырды.