10 мамыр күні № 66 ЖББОМ Жиын залында «Екі жұлдыз – 2014» байқауы өтті. Мақсаты – өз қабілеттерін белгілі бір шығармашылық салада көрсете біліетін ұстаздар мен өнерлі оқушыларды анықтау. Байқауға мұғалім мен оқушы болып жұптасқан 6 жұп қатысты. Байқау шарттары бойынша әрбір қатысқан жұп бірінші кезеңде шетел әндері, екінші кезең сайыскерлердің өз еркісімен таңдалды.

Байқауға қатысушылар өздерінің әртістік шеберліктерімен жан-жақты дайындықтарын көрсетіп, көрермендер мен қазылар алқасының көңілінен шыға білді. Байқау өте қызықты және мәнді өтті. Байқау қатысушыларыда, көрермен қауымы да зор қуанышқа бөленіп, үлкен мерекелік кеш болды. Кешті ұйымдастырушы Аманжанова Жанар Бактыбаевнаға барлық қауым алғысын білдірді.

« Екі жұлдыз – 2014 » байқауында бас жүлдені жеңіп алған ағылшын тілі мұғалімі Аманжанова Жанар Бактыбаевна мен 6 «Ә» сынып оқушысы Куттымуратов Ерасыл «Мекенім Қазақстан» және «Sara perche ti amo» атты әндерімен көрермендердің үлкен ықыласына ие болды.

1- орынды иеленген жұптар информатика пәні мұғалімі Сакен Динара Жумагалиевна мен 5 «А» сынып оқушысы Рахимова Гаухар «Love you like» және «Москва» әндерімен көрермендер көз айымы болды.

1- орынды иеленген жұптар Ақерке Жуандықовна мен 8 «А» сынып оқушысы Каримова Индира «Таманози» және «Махаббат» әндерін өз нақышында жоғары дәрежеде орындап шықты.

2- орынды иеленген жұп математика пәні мұғалімі Акылова Жадыра Махмутовна мен 5 «Ә» сынып оқушысы Шабдан Назгүл «Сарыарқа» және «Мелонхолия» әндерімен көрермен көңілінен шықты.

3- орынды иеленген 10 «Ә» сынып оқушылары Туткушев Әділет пен Мухамадиев Дидар жаңашыл үлгідегі «Алтыным» және «Моя музыка» әндерімен жастардың жүрегінен үлкен орынға ие болды.

3 – орынды иеленген екінші жұп 7 «Ә» сынып оқушылары Манашева Мадина – Елеусизов Ғалымжанның орындауындағы «What makes your beautiful» және «Ненавижу» әндерімен көрермен қошеметіне иеленді.

Барлық қатысқан жұптарға алғысымызды білдіреміз.