18 наурыз күні мектебімізде бастауыш сынып мұғалімі Жунусбекова Улбосын Жолшараевна 2 «А» сыныбы және ұжым ата-аналарымен ынтымақтаса көктемнің жарқын да, шуақты мерекесі Наурызға арналған «Наурызым, армысың!» атты мерекелік шара өткізді.
Шараның негізгі мақсаты: Оқушыларға Ұлыстың ұлы күні Наурыз туралы түсініктер беру, халқымыздың салт-дәстүр, әдет-ғұрпын үйрете отырып, оқушыларды адамгершілікке, елін, Отанын сүюге, ұлттық салт-дәстүрлерін дәріптеуге тәрбиелеу.
Шара барысында оқушылар Наурыз күні жасалатын дәстүр, жоралғылармен таныстырылып, ұлттық тағамдар туралы айтып, Наурыз көжеден дәм татты. Ата-аналар көрініс арқылы «Бесікке салу» дәстүрін көрсете отырып, оқушыларға бесік тәрбиесі туралы көп мағлұмат берді. Оқушылар Наурызға арналған жырларын, би мен әндерін айтып, қызықты көріністер көрсетіп, мерекені жандандыра түсті.
Контакты