6 қараша күні «Жас ұстаздар» мектебі өз жұмысын жалғастырды

Мектебімізде «Жас ұстаздар» мектебі тұрақты жұмыс атқарады. Биылғы оқу жылында  мектебіміздің  ұстаздар  ұжымының қатары  сегіз жас ұстазбен толықты. Елбасымыз Н. Ә. Назарбаевтың «Еліміздің ертеңі бүгінгі жас ұрпақтың қолында, ал жас ұрпақтың тағдыры ұстаздардың қолында» деген ойлы сөзі   басшылыққа алынып, рухани бай, шығармашыл, рефлексияға қабілетті, кәсіптік дағдылары мен педагогикалық дарындылығы басым және жаңалыққа құштар, өзінің кәсіби қызметімен жоғары деңгейде айналысуға және өзінің кәсіби дамуын одан әрі жобалай білуге жетелейтін жас ұстаздардың алғашқы кәсіби шеберлігін қалыптастыру мақсатында  жас ұстаздармен алғашқы сабақ өткізілді.

Сабақ «Есімдер шоғы» тренингісінен басталып, «Ұстаз болу оңай ма?» психогеометриялық тест жүргізіліп, сергіту сәтінде әуенді терапия  өткізілді. Жас ұстаздарды нормативтік құжаттармен таныстырылып, олармен жұмыс істеу әдістері түсіндірілді.

«Жас маман!   Әрбір бала-бір жұлдыз. Жарқырауына көмектес!» - айдарымен әрбір баланың жүрегіне жол таба білуге үйрететін жұмыс түрлері жүргізілді.

Соңында әрбір ұстаз бір – біріне жылы лебіздерін, кәсіби тілектерін білдіріп, бір – біріне жүрекшелер сыйлады.

«Бес саусақ» (сыртқа шыққан ми) рефлексиялық ойыны жүргізіліп, әр саусаққа байланысты қорытынды пікірлерін білдірді.

Бас бармақ – білдім

Сұқ саусақ – сезіндім

Ортан терек – ойландым

Шылдыр шүмек – шештім

Кішкентай бөбек — келісемін.

Сабақ соңын «Жас ұстаздар» мектебінің жетекшісі Кошикова Мағрипа Балтабаевна қорытындылады.