18 мамыр күні № 66 ЖББОМ акт залында «Екі жұлдыз– 2013» байқауы өтті.  Байқауға мұғалім мен оқушы болып жұптасқан жеті жұп қатысты. Байқау шарттары бойынша әрбір қатысқан жұп бірінші кезеңде қазақ әнін, екінші кезең бойынша кинофильмнен немесе мультфильмнен алынған  әнді орындау керек еді. Байқауға қатысушылар өздерінің әртістік шеберліктерімен жан- жақты дайындықтарын көрсетіп, көрермендер мен қазылар алқасының көңілінен шыға білді. Байқау өте қызықты әрі мәнді өтті. Байқауға қатысушылар да, көрермен қауым да зор қуанышқа бөленіп, үлкен мерекелік кеш болды. Кешті ұйымдастырушы Тажибекова Әсем Нұрмұхамбетовнаға барлық қауым алғысы білдірді.

«Екі жұлдыз-2013» байқауында бас жүлдені жеңіп алған қазақ тілі мен әдебиеті мұғалімі Боқаева Гүлсім Белгібаевна мен 9 «Ә»  сынып оқушысы Ойрат Мадина «Ақжайнақ» әнін орындау үстінде. Нақышына келтіре орындалған ән де, оны орындаушы жұп та көрермен қауымның қошеметіне бөленді.

Боқаева Гүлсім Белгібаевна мен 9 «Ә»  сынып оқушысы Ойрат Мадина «Песенка о медведях» әнін орындағанда, барлық көрермен қауым орындарынан тұрып, билеп кетті.

1-орынды иеленген жұп – ағылшын тілі мұғалімі Аманжанова Жанар Бақтыбаевна мен 5 «Ә» сынып оқушысы Құттымұратов Ерасыл. Осы жұп өздерінің ерекше әртістілігімен көзге түсті.

2-орынды иеленген қазақ тілі мен әдебиеті мұғалімі Қыйлыбай Динара Балғашқызы мен 5 «А» сынып оқушысы Құрақбаев Алдияр «Асыл досым»  әнін орындау үстінде.

Қыйлыбай Динара Балғашқызы мен 5 «А» сынып оқушысы Құрақбаев Алдиярдың орындауындағы «Чунга-чанга»  әні зор қошеметке ие болды.  

3-орынды иеленген Теміржанова Салтанат Қайратқызы мен 7 «А» сынып оқушысы Ахмолдина Жансаяның «С днем рождения» әні көрермендер көңілін бір серпілтіп тастады.

«Алтын дауыс» номинациясына ие болған информатика мұғалімі Шнанова Амангүл Амануллиновна мен 6 «Ә» сынып оқушысы Әбділдаева Назымның шарықтата шырқаған  «Мұңайма» әні көрермен қауымды зор қуанышқа бөлеп, жүздеріне шаттық нұрын үйірді.   

«Сүйкімді жұп» номинациясына дене тәрбиесі мұғалімі Омаров Құрмет Зейдақпарович пен 6 «А» сынып оқушысы Қалкенова Лаура ие болды. Бұл жұп «Қазақ елі» әнімен көрермен қошеметіне иеленді.

«Көрермен көзайымы» номинациясын иеленген жұп – 8 сынып оқушылары Мүсепов Сұлтан мен Қуанышева Жанар  «Асыл ана» әнін орындауда.