«Өнер әлемі » музыка үйірмесінің жетекшісі Н.Максутовтың ұйымдастыруымен Қазақ вальсінің королі атанған, ән әлемінің падишасы,  бүгінгі Қазақстан Республикасының мемлекеттік Әнұранының әнін жазған композитор, Қазақстанның халық әртісі Шәмші Қалдаяқовқа арналған «Ән көгінің сұңқары - Шәмші» атты тәрбие сағаты өткізілді. Үйірме мүшелері Шәмші ағаның  өмір тарихы,  халқымыздың рухани азығы болып,  ән өнерінің інжу- маржаны  аталған  шығармалары, әндерінің шығу тарихы туралы толық мағлұмат ала отырып, өздері де  «Ана туралы жыр», «Бейбіт күн тілегі», «Шынарым» сияқты әндерін орындады.

         «Менің Қазақстаным» әнінің шығу тарихын үнтаспа арқылы Жұмекен Нәжімеденовтың жұбайының естелігі арқылы тыңдап, бүгінде Қазақстан республикасының мемлекеттік Әнұранына айналғаны, Жаңа Әнұранның ресми түрде 2006 жылғы 11 қаңтарда Қазақстан Республикасы Президентін ұлықтау рәсімі кезінде тұңғыш рет орындалғаны, осы күні барша қазақ елі ел Президентімен бірге ұлы композитор Шәмші Қалдаяқовты ұлықтағаны, ақиық ақын Жұмекен Нәжімеденовті ұлықтағаны жөнінде толық білім алды.

 Үйірме жетекшісі Н.Максутов:  міне, содан бері «Менің Қазақстаным» әні қазақ халқының кең де бейбіт аспанында Әнұран ретінде күн сайын шырқалып, қалықтап келеді. Күн сайын біз бәріміз Шәмшінің осы әнінен қуат алып, тіршілікке араласамыз. Біздің еліміздің жетістігін паш етерде Туымыз көтеріліп, Әнұранымыз шырқалады,- деді.

     Оқушылар Қазақстан Республикасының мемлкеттік Әнұранын орындады.