2013 жылдың 28-29 наурыз күндері №41 орта мектепте мектеп оқушылары арасында көктемгі қалалық пікір-сайыс ойыны өтті. Осы дебат ойынына мектебіміздің  9-11 сынып оқушылары  бірінші рет қатысып келді. Олар 9 Ә сынып оқушысы – Тұтқышев Әділет, 10 Ә сынып оқушысы – Мажит Санжар және 11Ә сынып оқушысы - Оразбаева Жұпар.  Ойын барысында бірінші күнгі 3- турға да оқушылар қатысып,  өз ойларын ортаға салды. 1–турда 53-ші  мектеппен, 2-турда- 6-шы  мектеппен, 3-турда- 22-ші  мектептермен сайысты. Бұл ойынның мақсаты – жастардың қоғам өміріне белсене араласуына, оның ішінде өз көзқарасын дәлелдеуге, пікір айта білу, ақпаратты талдай білу қабілетін арттыру. Оқушылар үлкен белсенділік танытты. Ойын барысы оларға өте ұнады. Жүлделі орынға ие болмаса да, келешекте зор дайындықпен тағы да қатысуға бел буып отыр. Жетістік тілейміз.