Жақында №66 жалпы білім беретін орта мектептің мектепалды даярлық тобының қатысуымен дайындаған "Күз береке, күз - мереке" атты ертеңгілігі өтті. Әсем безендірілген сынып келген көрермендерді кірген бетте-ақ баурап алды. Күз тақырыбы бойынша ән айтып, би билеп балалар өз өнерлерін ортаға салды. Сонымен қатар күз өнімдеріне байланысты жұмбақтар жасырып, дұрыс жауабын шешкендерге сыйлықтар тарту етілді. Күз мезгіліне байланысты көрініс қойылды. Аталмыш мереке соңында ата-аналар өз алғыстарын айтып, өсіп келе жатқан өрендерге сәттілік тіледі.