Құрметті Қарағанды қаласының 66 мектеп лицейінің ұжымы ,оның ішінде ерекше атап өтетін мектеп директоры Нурмуханов Б.Н.,ақпарат жүйесі жөніндегі директор орынбасары Назира Каппаровна,әдістеме бөлімінің жетекшісі Наталья Евгеньевна және аса қадірлі де аяулы біздің ұстаздарымыз.Сіздерге осы заманымыздың қиын кезеңдерінде карантинге байланысты жаңа бағдарлама бойынша қашықтықтан оқытуды, әр балаға шама келгенше жағдай жасап жатқан әрекеттеріңізді көріп алғыс айтқымыз келеді. Әр баланы бөліп жармай қашықтықтан болса да жылу лебіз, қамқорлықтарыңызды аямай, уақыт мезгіліне қарамай атсалысып, жеке-жеке әрқайсысына хабарласып ,ерекше көңіл бөліп жатқан жайларыңыз үшін Алла тағала разы болсын сіздерге. Біздің балаларымызға қашықтықтан оқыту жағдайын қамтамасыз еткендеріңізге ерекше рахмет.
Осы бағдарлама барысында біздің алтын ұстаздарымыздың орны ерекше көрініп қалды. Шынымен де мына заманға сай замануи білім беріп, біздің балаларымыздың қосымша таланттарын іздеп, қолдау көрсетіп, шынайы жан ашып, барынша жан-жақты дамытып,білім бергендеріңізге алғысымыз шексіз.Ұстаз деген болашақ азаматтарды ғана емес ,бүкіл болашақ қоғамды қалыптастырады. Қоғам мен адамзат алдындағы өлшеусіз еңбектеріңізді ескере отырып, Сіздерге өскелең ұрпақ тәрбиелеудегі өрелі жұмыстарыңызға және мемлекеттің гүлденіп даму жолындағы абыройлы істеріңізге толымды табыс тілейміз. Қызығы мен шыжығы қатар жүретін ұстаздық жолдарыңыз тек өрлеу мен өсуге жол алсын.Сіздер-жастардың болашағын айқындайсыздар,бүгін еккен дәндеріңіз ертеңгі жеңісті-жемісті күннің кепілі. Алла бұйыртса амандықта жүздесейік.
Ізгі ниетпен көп балалы отбасы-Кенжелер ата-анасы.
Авторство:
