Қайырлы күн, аса құрметті 66 мектеп ұжымы. Бүкіл әлемде болып жатқан төтенше жағдай кезінде балаларды тың форматта оқытуға мәжбүр екенімізді түсініп отырмыз. Телеарнада 10 минуттық сабақтар өткізілуде, онда мұғалім жаңа тақырыпты түсіндіріп береді. Бірақ тақырыпты түсіндіру телесабақтағы видеомен шектелмейді. Үлкен еңбекті, сабырлықты, ұстаз шеберлігін, оқушы ынтасын, ата-ана қолдауын қажет ететін кезеңі басталады. Нақтыласам, ұлым 4 ә сыныбында оқиды. Сынып меңгерушісі Жетпісбаева Рысалды Имадиевна өзінің сыныбындағы балалармен жекелей жұмысты жоғары деңгейде жүргізеді. Тақырыпты «classroom» оқыту тұғырнамасында егжей-тегжейлі, толық, қажет болса видео түсіріп түсіндіреді. Одан соң оқушылар тапсырманы түсінгендігі жайында, орындаған тапсырмалары бойынша мұғалімге кері байланыс жасайды.
Осы тұста ұстаздарға шексіз алғыс айтамын. Біздің ұстазымыз талантты болғандықтан да , оқушылары талапты болуда. Ал біздер ересектер өз балаларымызға қолдау білдірейік. Қашықтықтан оқытудың қазіргі таңдағы қажеттілігін, маңыздылығын өзіміз түсінейік, балаларымызға ұғындырайық. Баршамыздың шыдамдық танытқанымыз абзал. 4 "Ә" сынып ата-аналары