12 желтоқсан 8-9 қазақ сыныптары Долинка кентіндегі репрессия құрбандарының мекені болған КарЛАГ мұражайына саяхат жасады. Жетекшілік жасап барған ұстаздар: Оспанова К. М, Козбаева Ш. К, Ибышева К. А. Мұражайға барған ұстаздар мен оқушылар алған әсерлерін айтып, ой бөлісті. Саяхат жасау барысында өскелең жас ұрпақ бүгінгі Тәуелсіздіктің қандай жолмен келгенін біліп, оны құрметтеуге үйренеді. Оқушылар жазықсыз жапа шеккен, саяси қуғын-сүргінге ұшыраған боздақтардың көрген қорлықтарынан сыр шертетін түрме бөлмелерінен қорқыныш сезімі ұялағанын айтты. Саяхатшылар қазақ халқының басынан өткерген саяси қуғын-сүргін тарихынан сусындап, маңызды мәліметтер алды. Рухани жаңғыру аясында өткен саяхат сабағының маңызы зор болды. Бүгінгі егемен елдің жеткіншектері атадан балаға мирас болған тарихи құндылықтарымызды көзіміздің қарашығындай сақтайтынын айтты.
Авторство:
