Балалардың мектепте оқуға ынтасын, зияткерлік, эмоционалдық-еріктік дайындығына ықпал ететін білім беру ортасын құру, бірінші сыныпта табысты бейімделуін қамтамасыз ету мақсатында мектеп-лицейде  1 тамыздан бастап «Балақайлар мектебі» жұмыс жасап жатыр. Қазақ тіліндегі даярлық курсын бастауыш сынып мұғалімі Мейрам Ж.Ш. ұйымдастыруда.

   Әр күні оқушыларға жоспарланған кесте бойынша 30 минуттық 4 сабақ өтіледі. Оқушыларға жазуға қолдарын дайындап, дыбыстар мен әріптерді танып, жазып, оқиды.

   Ұшқыр ойларын дамыту мақсатында түрлі қолөнер сабақтары да кірістірілген. Ол жапсыру сабағы, сурет және мүсіндеу, драма сабақтары. Қазіргі таңда дайындық курсына қатысушы оқушылардың саны:18