Қарағанды облысының тілдерді дамыту жөніндегі басқармасының ұйытқы болуымен қазақ тілін меңгерген орыс жастарына қолдау көрсету, олардың сөйлеу мәдениетінің деңгейін көтеру және мемлекеттік тілдің мәртебесін нығайту мақсатында 2012 жылғы 29 ақпан айында “Тіл –халық жанын танудың кілті” атты орыс жастары арасындағы қазақ тілі білгірлерінің облыстықбайқауы өтті.

       Байқаудың шарты бойынша 14-22 жас аралығындағы аудандардан және қалалардан келген үміткерлер өз өнерлерін ортаға салды.

   Байқау барысында сайыскерлер электронды, көрнекті және басқа нұсқалары бар «Тілдер туыстығы – мәдени туыстық» атты ауызша таныстырылым, лексикалық-грамматикалық тест және қазақ әдебиет классиктерінің және қазіргі заманғы жазушыларының туындыларынан үзінділерді мәнерлеп оқу бойынша тапсырмалар орындады. Сайыскерлер ұсынған презентацияларда қазақ тілінің деңгейін көтеру тек қазақ ұлтының ғана ішкі проблемасы емес, бұл жалпы қазақстандықтардың өзекті мәселесі болуы керек деген ауқымды тақырып арқау болған. Байқаудың қазылар алқасы үміткерлер өнерін бағалау кезінде олардың сөйлеу шеберлігіне, сөз қолданысына, тіл байлығына, шешендік шеберлігіне, дауыс мәнері мен тіл тазалығына, сахнада өзін-өзі ұстауына және киіміне баса назар аударды. Қатысушылар байқауға жан-жақты дайындықпен келген, осы туралы Қарағанды облысының тілдерді дамыту жөніндегі басқармасының бастығы Хамит Нұрланұлы Омаровтың байқаудың жабылу салтанатында айтуынша, үміткерлердің облыстық байқауға қатысуының өзі-үлкен жеңіс, байқауға қатысушылар өздерінің белсенділігін, тапқырлығын, ойды жеткізе білу шеберлігін, тіл байлығы мен сөйлеу мәдениетін көрсете білді деп оларға жоғары баға берді.  

  Байқаудың қорытындысы бойынша үшінші орынды біздің мектебіміздің 8 «А» сынып оқушысы Макаров Максим иеленді. Максим диплом және бағалы сыйлықпен, ал оның ұстазы Казиева Бақыткүл Алгазиевна алғыс хатпен марапатталды.