12.12.2018ж күні мектеп-лицейішілік «Жас Ұлан» бірыңғай балалар мен жасөспірімдер ұйымының қатары алғыр да білімді оқушылармен толықты. Бұл жолы «Жас Ұлан» ұйымына 4 "Ә" және 4"Б" сынып оқушылары қабылданды. Сынып жетекшісі: Қойбағарова Г.К. ; Асылбекова Ж.А.

Республикалық бірыңғай «Жас Ұлан» балалар мен жасөспірімдер ұйымының АНТЫН айту құқығы оқу озаты Габидуллаев Тамерланға берілді.

«Жас Ұлан» ұйымына қабылданғалы отырған оқушыларға туымыз түстес көгілдір галстук пен төсбелгі тағу рәсіміне мектеп-лицей ұстаздары, директордың тәрбие-ісі жөніндегі орынбасары Бодукова Ж.М, Мурзагулова А.Ш. және қонақтар мен үлгілі оқушылар ат салысты.

Жас Ұландықтарды құттықтау сөзі  директордың тәрбие-ісі жөніндегі орынбасары Бодукова Ж.М. және мектеп-лицей Ұланбасына берілді. «Жас Ұлан» ұйымының гимні орындалғаннан кейін 7 сынып оқушыларынан құрылған үгіт-насихат тобы өз өнерлерін көрсетті. «Жас Ұлан» қатарына қосылған оқушыларды  ұйым мақсатымен таныстырып, 7 бағыт міндеттерін түсіндірді. Елбасымыздың қолдауымен құрылған Республикалық «Жас Ұлан» бірыңғай балалар мен жасөспірімдер ұйымының қатарына қабылдау салтанаты құттықтау әнімен аяқталды.

Ел басымыз өз сөзінде: «Мен сендерге еліміздің тұғырлы ұрпағы, тамаша кәсіп иесі, патриоты болады деп үміт артамын. Туған Отанымызды мақтаныш етумен бірге, мақтан тұтар ұландар болуға ұмтылу,сіздердің перзенттік парыздарыңыз. Сендерді мақтан ететіндей болайық Жас достар!» деген екен. Ендеше «Жас Ұландықтар» осы үмітті ақтайды деп сенеміз.