24.09– 01.10.2018ж күндері аралығында мектеп-лицейде «1 қазан – қарттар күні»  мерекесіне байланысты іс-шаралар атқарылды. «Қарттар – біздің берекеміз» тақырыбында кезекші сынып оқушыларының қатысуымен саптық жиын өтті.

1-11 сынып оқушылары арасында «Чтобы сердце и душа были молоды»,  «Қадірлейік қарттарды» , «Славим возраст золотой», «Ауылыңда қарт болса – жазулы тұрған хатпен тең» ,«Вы молоды всегда» тақырыптарында сынып сағаттары ұйымдастырылды. 

5-6 сынып оқушылары арасында «Қарты бардың – қазынасы бар» тақырыбында эссе байқауы өткізілді. 7-11 сынып оқушылары «Қарияларға қамқорлық көрсетейік» ұранын ұстанып, ардагер қарияларға азық-түлік, керекті құрал-жабдықтармен көмек көрсету үшін үйлеріне барып, мерекемен құттықтап қайтты.

1 қазан қарттар күніне арналған  қайырымдылық кешіне мектеп-лицей оқушылары өз үлестерін қосты. 7Ә сынып оқушысы Серікбек Бибигүлсім «Туған жер» атты ән салса, «Аяла» би ансамблі өз өнерлерін көрсетті.