Бүгін  1 маусым күні сағат 10.00-де КММ №66 мектеп-лиецейінің қабырғасында «Балдаурен» жазғы сауықтыру лагерінің ашылу салтанаты өтті. Мектеп алаңында 1 маусым –Балалар күніне арналған концерттік бағдарлама өткізілді. Концерттік бағдарламада 2 сынып оқушылары жаз туралы өлеңдер оқыды, «Аяла» хореографиялық ансамблі «Көбелектер» биін орындады, 1-4 сынып оқушылары көңілді әндер айтты, балалар бірігіп флешмоб биледі. Көңілді концерттік бағдарламадан кейін балалар «Гүлдене бер, менің қалам!» тақырыбында мектеп алдындағы асфальтта суреттер салды. Балалар топтарға бөлініп, өз топтарына атауларын беріп, өздерінің ұрандарын, эмблемаларын құрастырды. «Балдаурен» жазғы сауықтыру лагерінің қабырғасындағы 4 үйірме өзінің жұмысын бастады. Жазғы сауықтыру лагерінің 1 ауысымының бірінші күні өте көңілді және қызықты өтті.