«Кітап оқитын ұлт» жобасы аясында «Кітап оқитын әулет» бағыты бойынша ұлы ақынымыз, философ Абай Құнанбайұлының қара сөздеріне талдау жасалды. Абайдың қара сөздері — ақынның сөз өнеріндегі көркемдік қуатын, философиялық даналығы мен терең дүниетанымын айқын танытатын классикалық стильде жазылған прозалық шығармалар.
Бұл даналық мұра халыққа ерекше тәрбие беріп, адамгершілікке, ізгілікке үндейді. Оқырманды оңайдан қиынға, жақыннан жыраққа, қызықты әрі күлкілі ойлардан терең толғаулы қорытындыларға қарай біртіндеп жетелейді. Шығармалар арқылы оқушылардың бойына білімге құштарлық, сауаттылық, адалдық, мейірімділік, еңбекқорлық және жауапкершілік сияқты құндылықтар сіңіріледі.