1. Бағдарламаның жалпы мақсаты және мазмұны

2023-2024 оқу жылы:"Біртұтас тәрбие" бағдарламасының негізгі мақсаты оқушылардың тұлғалық дамуын қамтамасыз ету, адамгершілік құндылықтарды қалыптастыру және әлеуметтік жауапкершілікке тәрбиелеу болып табылды. Бұл кезеңде бағдарлама негізінен оқушылардың рухани-адамгершілік қасиеттерін дамытуға, ұлттық және жалпыадамзаттық құндылықтарды түсіндіруге басымдық берді. Сонымен қатар, мектепте оқушылардың денсаулығына, шығармашылық дамуына көңіл бөлінген болатын.

2024-2025 оқу жылы:Осы оқу жылында бағдарлама мазмұны кеңейіп, тереңдетілді. Оқушылардың жан-жақты дамуын қолдау үшін әрбір бағыт бойынша нақты әдіс-тәсілдер мен жаңа жобалар енгізіледі. Бұдан бөлек, жаһандық білім мен инновациялар төңірегінде тәрбие жұмыстарының бағыты күшейтілмек. Бұл жылы экологиялық тәрбие, сыни ойлау дағдыларын дамыту, қоғамдық белсенділікті арттыру сынды жаңа бағыттарға ерекше назар аударылатын болады. Сонымен қатар, ұлттық құндылықтарды сақтау және дамыту шаралары бұрынғыдан да тереңдетіліп, мәдениетаралық коммуникацияға, әлеуметтік жауапкершілікке бағытталған жобалар жүзеге асырылмақ.

2. Ұлттық құндылықтар:

ұлттық мүдде,

ар-ұят,

талап

тәуелсіздік және отаншылдық,

бірлік және ынтымақ,

әділдік және жауапкершілік,

заң және тәртіп,

еңбекқорлық және кәсіби біліктілік,

жасампаздық және жаңашылдық

2. Әдістемелік тәсілдер

2023-2024 оқу жылы:Бағдарламаның әдістемелік негізі негізінен дәстүрлі тәсілдерге сүйенді, яғни сыныптан тыс іс-шаралар, мерекелік шаралар, әлеуметтік жобалар мен мәдени іс-шаралар арқылы оқушылардың тұлғалық дамуына қолдау көрсетілді. Бұл кезеңде тәрбие жұмысы көбінесе мектеп ішінде ұйымдастырылатын шаралармен шектелді.

2024-2025 оқу жылы:Бағдарламаның әдістемесі жаңартылып, интерактивті әдістер мен технологиялар кеңінен қолданылатын болады. Бұл оқу жылында тәрбие жұмысында цифрлық ресурстар, онлайн платформалар және виртуалды алаңдар (вебинарлар, онлайн кездесулер, веб-семинарлар) қолданысқа енгізіледі. Сондай-ақ, сыни ойлау мен креативтілікке бағытталған жаңа әдіс-тәсілдер мен тренингтер мектептің тәрбие жүйесіне енгізіледі.

3. Жобалар мен шаралардың кеңейтілуі

2023-2024 оқу жылы:Бұған дейінгі бағдарламада оқу-тәрбие процесі көбінесе ұлттық және рухани құндылықтарға, жалпыадамзаттық моральдық қағидаттарға негізделген. Шығармашылық және спорттық үйірмелер мен іс-шаралар орын алды, бірақ оларды жүзеге асыру көбінесе дәстүрлі тәсілдермен болған еді.

2024-2025 оқу жылы:Бұл жылы бағдарламада жасыл экономика, экологиялық тәрбие мен қоғамдық белсенділік сияқты заманауи бағыттарға назар аударылады. Экологиялық жобаларға қатысу, табиғатты қорғау іс-шаралары, волонтерлік жобалар мен қайырымдылық акциялары кең ауқымда ұйымдастырылады. Бұдан бөлек, жаңа технологиялар мен ақпараттық-коммуникациялық құралдарды қолдану арқылы тәрбие жұмыстарының нәтижелілігін арттыру көзделеді.

4. Бағдарламаның бағалау және мониторинг жүйесі

2023-2024 оқу жылы:Бағдарламаның іске асырылуын бағалау негізінен психологиялық сауалнамалар мен мұғалімдер мен оқушылардың кері байланыс нәтижелеріне сүйенген болатын. Сонымен қатар, жеке жетістіктер мен даму деңгейі бойынша кейбір қорытындылар жасалып, тәрбие жұмысының тиімділігі бақылауға алынған еді.

2024-2025 оқу жылы:Жаңа оқу жылында бағалау жүйесі айтарлықтай өзгерістерге ұшырайды. Оқушылардың жан-жақты дамуын өлшеу үшін кешенді мониторинг жүйесі енгізіледі. Бұл жүйе аясында оқушылардың әлеуметтік, моральдық, шығармашылық және академиялық дамуы бірегей портфолио арқылы бақылауға алынатын болады. Сонымен қатар, әртүрлі интерактивті бағалау құралдары (онлайн тесттер, жобалық жұмыстар, семинарлар) қолданысқа енгізіледі.

5. Жеке тұлғаға бағытталған жұмыс

2023-2024 оқу жылы:Бағдарлама оқушылардың әлеуметтік дағдылары мен жеке қасиеттерін дамытуға бағытталды, бірақ оқушылардың жеке тұлғалық дамуының терең және жан-жақты түрде бақылануы толық қалыптаспаған болатын.

2024-2025 оқу жылы:Жеке тұлғалық дамуды толыққанды қамту мақсатында бағдарламада әр оқушының жеке қажеттіліктері мен қызығушылықтарына негізделген оқыту мен тәрбиелеу стратегиялары қолданылатын болады. Жеке даму жоспары мен коучинг бағдарламалары енгізіліп, оқушылардың жеке қабілеттерін дамытудың жаңа мүмкіндіктері ұсынылады.

Қосымша ақпарат

күнделікті •«Менің Қазақстаным» – оқу аптасының басында бірінші сабақта білім алушылар Қазақстан Республикасының Әнұранын орындайды •

«Апта дәйексөздері» – бүкіл білім беру ұйымның оқу және оқудан тыс іс-әрекетінің лейтмотиві ретінде қызмет ететін мақал-мәтелдер, халық даналығы, көрнекті тұлғалардың ұлағатты сөздері. Аптаның дәйексөздері ақпараттық стендтерде, Led-экрандарда, сынып тақталарында және т.б. орналастырылады. •

«Қауіпсіздік сабағы»– жол қозғалысы ережелерін, өмір қауіпсіздігі негіздерін зерделеу, білім алушылардың жеке қауіпсіздігін, қауіпсіз мінез-құлқын және т.б. сақтауы туралы сынып сағаты шеңберінде 10 минут ақпарат беру немесе әңгіме өткізу •

 «Ұлттық ойын – ұлт қазынасы» – үзіліс кезінде білім алушылардың бос уақытын ойын түрінде ұйымдастыру – асық, тоғызқұмалақ, бес тас және т.б.

 «Өнегелі 15 минут» – ата-аналардың баласымен мінезқұлық және адамгершілік туралы күнделікті 15 минут жеке әңгімелесуі. •

 «Үнемді тұтыну» – суды, тамақты, энергияны тұтыну бойынша күнделікті табиғи ресурстарға ұқыпты қарауды қалыптастыру: жадынамалар, нұсқаулықтар мен парақшалар әзірлеу

«Күй күмбірі»– қоңыраудың орнына күйді пайдалану, сондай-ақ үлкен үзіліс кезінде күй тыңдау

2024-2025 оқу жылы бойынша мектепте жүргізілетін ЖОБОЛАР

Жобалар атаулары

2023-2024 оқу жылындағы жобалардың  2024-2025 ож жаңа жобаларға кіріктірілгені /кіріктірілген/

Жауаптылар

«Қамқор» Әлеуметтік жобаларды жүзеге асыру арқылы құндылықтарды дәріптеу

Кіріктірілген жоб

«Қайырымдылық 7 іс»

«Жасыл мектеп»

«Еріктілер»

«Медециналық сынып»

Аскарбекова А.Б

Хиба Ә.Ж

Камалова Н.Н

Баянова А.Б

«Ұшқыр ой алаңы» Тілдік дағдыларды дамыту және тақырыптық талқылау арқылы құндылықтарды дәріптеу

«Ақиқат» «Pravda TIMES» дебат клуб жұмыстары

Копабаева А.Б

Несіпбаев О.Б

Курманбаев Е.Н

«Еңбегі адал - жас өрен»

Білім алушылардың әртүрлі мамандыққа деген қызығушылығын арттыру және еңбекқорлық идеясы арқылы құндылықтарды дәріптеу

«Өнегелі өмір» жобасы

Рахымжан А.А

Ерубаева Б.С

Рахимберлина Ж.Е

«SMART BALA»

Инновациялық жобалар конкурсы арқылы құндылықтарды дәріптеу

«Дарынды бала»

Аскарбекова А.Б

Балтабай С.

Айқынбаева А.Е

Мухтаров Т.Ж

Кабиева А.Б

«Шабыт» Білім алушылардың шығармашылық әлеуетін ашу арқылы құндылықтарды дәріптеу

«Біз жұлдыздарды іздейміз»

Адамбай Г.Б

Иманкулова А.Е

«Балалар кітапханасы» Кітап оқуға және білім алуға қызығушылықты қалыптастыру

«Оқуға құштар мектеп», «Құлыпсыз кітапхана», «Бір кітап-бір отбасы»

Абеуова Г.Х

Баймуханова С.Т

Жунусова Қ

Ахметжанова А

READx жобасы

Ербол Н

Өмірбаева Б

«Даналық мектеп» Ата-ана педагогикалық қолдау орталығының жұмысы

Әкелер, аналар, әжелер, аталар мектептері

Копабаева А.Б

Сыздыкова А.К

Булегенова А.Т

«Ұлттық лига» үзіліс кезінде білім алушылардың бос уақытын ойын түрінде ұйымдастыру – асық, тоғызқұмалақ, бес тас және т.б

«Ермеков спартакиадасы»

Оразбекова А.К

Байдалин С.Е

Закиуллина Р.С

«Жеткіншектің жеті жарғысы»жобасы құқықтық мәдениетті қалыптастыру, азаматтық пен мемлекеттілікке ерте тәрбиелеу мақсатында жүзеге асырылады.

Копабаева А.Б

Абдикаримова А.Б

Бақтияр Е.Ж

Әр жоба бойынша жауаптыларға бұйрық шығарылады. Жауаптылар жобалардың бағдарламасын әзірлейді.