2023 жылдың 30 қарашасында  жас ұрпақ бойында ана тіліміздің құдіретін сіңіру, оқушыларды ақындармен еркін әңгімеге тарту, танымдық көкжиектерін арттыру мақсатында "Біртұтас тәрбие бағдарламасы" кешендік жоспарының негізінде, қараша айы "Поэзия" айына арнап құрылған ісшаралар жоспарына сәйкес және "Өнегелі өмір" жобасы аясында  7-9 сыныптар арасында  «Поэзия менімен егіз бе едің?» атты тағылымды кеш ұйымдастырылды. Аталған ісшараға Қарағанды қаласынан шыққан белгілі, айтулы ақындар Қарағанды облысы Жазушылар одағының төрағасы, "Ойтамған" кітабының авторы, бірнеше республикалық мүшәйралардың жеңімпазы Жанат Жаңқашұлы, "Шабыт" фестивалінің лауреаты, "Орталық Қазақстан" газетінің журналисі Ерғанат Кеңесбек, "Құмдауыт" атты жыр жинағының авторы, облыстық "Орталық Қазақстан" газетінің жауапты хатшысы, республикалық жыр додаларының жеңімпазы Жәлел Шалқар келіп қатысты. Кеш барысында мектеп-лицейіміздің оқушылары мен келген қонақтарымыздың арасында сүбелі сыр-сұхбат орын алды. Кеш соңында мектеп оқушылары қонақтарымызға өз өнерлерін көрсетіп, дайындап келген жыр жауhарларын арнап, алғыстарын білдірді. Келген қонақтарымыз мектеп альбомына қолтаңба қалдырып, жаңадан өлең жазып жүрген оқушыларға баталарын берді. Жауапты ұстаз-Күзембаев М.Қ.