2023 жылдың 1 қарашасында «Ә.Ермеков атындағы мектеп-лицейі» КММ-де «Мектеп, ата-ана және оқушы ынтымақтастығы» атты мектепішілік жалпы ата-аналар жиналысы өтті. Күн тәртібіндегі мәселелерге – 1 тоқсан қорытындысы бойынша оқу сапасы (директордың оқу ісі жөніндегі орынбасары-А.Н.Сырлыбай)., «Дарынды оқушы-ұлт келешегі» (директордың оқу ісі жөніндегі орынбасары    А.Б. Асқарбаева)., «Ұлттық құндылықтар – бала тәрбиесінің қайнар көзі» (директордың тәрбие ісі жөніндегі орынбасарлары Ж.С.Балапанова., А.Б.Копабаева, мектеп инспекторы Б.С.Ысқақ) өз тақырыптары бойынша тоқталып баяндады. Сонымен қатар мектебімізге “Сеніммен Болашақ” республикалық қоғамдық бірлестігінің Қарағанды облыстық филиал басшысы, медиа маман - Индира Жанұзаққызы қатысып “Жаhанданудағы ата-ананың моделі” тақырыбында ой бөлісті. Ата-аналар жиналысы соңында  әр түрлі мәселелер қарастырылып, ұсыныстар айтылып, педагог-психологтар тарапынан рефлексия жасалынды және «Бұлақ көрсең, көзін аш..........» атты  шағын оқушылардың концерттік бағдарламасы және «Әлімхан жастары»  жас ұстаздар тарапынан ата-аналарға тағылымды көрініс ұсынылды.