«Ә.Ермеков атындағы мектеп-лицейі» КММ-де 2023 жылдың 1 маусымында мектеп дәстүрлерінің сабақтастығын сақтау, отансүйгіштік пен әлеуметтік жауапкершілікті қалыптастыру, ұстаздарға, ата-аналарға, мектепшілік достарына алғыс сезімін, туған мектепке деген құрмет пен сүйіспеншілікті арттыру мақсатында дәстүрлі «Соңғы қоңырау» салтанатты жиын өтті. Биылғы «Соңғы қоңырау» мерекесі ерекше қуаныш пен мейірімге толы шуақты мейрамы Халықаралық балаларды қорғау күнімен тұспа-тұс келді. Заман көшіне ілесіп тағы бір оқу жылы да аяқталып, мектебіміздің 27 түлегі балалықпен, 11 жыл бойы білімнің нәрін сепкен алтын ұясымен қоштасты. Салтанатты жиынды мектеп директоры Ж.М.Берлибеков құттықтау сөзімен ашып, 1 сынып оқушыларының, ата-аналардың, сынып жетекшілердің лебіз тілектерімен, жас бүлдіршіндердің «Түрлі-түсті саусақтар» биі, «Қоңырау үні» биімен жалғасты, сонымен қатар жиында түлектердің «Мектеп вальсі» биі орындалып, 10 сынып оқушыларына «Білімнің алтын кілті» табысталып, «Соңғы қоңырау» үні соғылды.