Жаңашыл ұстаз-заман талабы. Мектебімізде педагогтердің кәсіби құзыреттілігін жетілдіру мақсатында құрылған «Ізденіс» шығармашылық тобының кезекті отырысы болып өтті. Отырыс барысында шығармашылық топ оқу жылының екінші жартыжылдығына арналған мақсат-міндеттерін қарастыра отырып, жаһандану заманында жас ұрпақтың жаңаша ойлау қабілетін, белсенділігін арттыру, білімге деген құштарлығын ояту, өмірінде оны қолдана білу, отансүйгіштік қасиетін одан әрі дамытуға бағыттау – ұстаздың басты міндеті екендігін баса айтылды. Ұстаздар қазіргі заманда нені оқыту емес, қалай оқыту маңыздырақ деген тақырып аясында пікір алмасты. Сабақ барысында оқушының ізденуі мен зерттеу дағдыларын қалыптастыра отырып, пәнге деген қызығушылықтарын арттыру мақсатында қолданылатын іс-әрекеттерге бағыттау туралы сөз болды.
Авторство:
