Әлімхан Ермеков атындағы мектеп-лицейінде «Құрмет» құндылығына негізделген жопарға сәйкес, 2022 жылдың 17 қазанында «Қыз қылығымен» тақырыбында 7-8 сынып қыздарына арналған қыздар жиналысы өткізілді. Мақсаты: Қыздармен әңгімелесе отырып, ар - намысын, тазалығын, сұлулығын жоғары қоя біліп, жұрт алдында абыройлы болуға тәрбиелеу. Салауатты өмір салтын қалыптастырудағы ой өрісін дамыту, зиянды әрекеттерге еліктеудің, қызығудың өмірлеріне қауіп тудыратынын ескерту. Жиналысқа Қарағанды қаласының №3 емханасының дәрігері Рауандина Гайнижамал Сериковна, мектебіміздің ата-анасы Каубаева Асел Рымкуловна қатысты. Қыз балалардың жүріс-тұрысы, қылығы, сөйлеу әдебі, киім киісі, тазалығы жайлы сұрақтар еркін микрафон арқылы талқыланды. Оқушылар өз ойларын жеткізе білді. «Қыз – өмірдің гүлі» тақырыбында бейнеролик көрсетілді. Қыз баланың сүйкімділігінен, нәзіктілігінен, әр іске талапты да алғырлығынан, өнер – білімге бейім тұратын сергектігінен шыққан сөздердің, яғни қыз бала тәрбиесіне қатысты мақал-мәтелдердің жалғасын тауып айту арқылы, ойлау жылдамдықтары шындалды. Қыз бала тазалығы жайында дәрігер танымдық дәріс оқыды. Мектеп ата-анасы отбасындағы қыз бала тәрбиесі жайлы сөз қозғап, мектеп ұжымына алғысын білдірді. Мектеп президенті Абдрасилова Томирис «Қазақ қыздары» әнін орындады. Оқушылар әсем әнді тамаша көңіл-күймен тыңдады. Бүгінгі қыз бала – ертеңгі ана, ұлт тәрбиесі қылықты қыздарымыздың қолында.
Жауапты: Адамбай Г.Б.
Авторство:
