2022 жылдың 24 ақпанында «Ә.Ермеков атындағы мектеп-лицейі» КММ-де 7-9 сыныптардың ұл балаларының қатысуымен «Ұл бала тәрбиесі - баршаға ортақ» атты ұлдар жиналысы өтті. Ұлдар жиналысының мақсаты – ұл балалардың бойында ар-намыс, өжеттілік, батырлық, жігер сынды асыл құндылықтарды қалыптастыру, салауатты өмір салтын ұстанып, рухы асқақ азамат болып қалыптасуына ықпал ету. Жиналысқа Қарағанды қаласы №3 емханасының жоғары санатты психологы - Солдатова Светлана Христофоровна, эпидемиолог дәрігер - Ихласова Айгуль Жеткерденовна, мектеп-лицейіміздің «Ұлағат» әкелер кеңесінің мүшелері - 8А сынып ата-анасы, «Горняк» мәдениет үйінің директорының шаруашылық жөніндегі орынбасары Ошибаев Айбол Жанузакович, 3Б сынып ата-анасы, №101 мектеп-лицейі дене шынықтыру мұғалімі Молдабаев Мадияр Рымгалиевич, 1Ә сынып ата-анасы, жеке кәсіпкер Ержанов Қалқаш Какимович қатысып, мектептің ер балаларына ақыл кеңестерін берді. Жиналыс барысында тақырыпқа байланысты видеофильмдер көрсетіліп, ер бала тәрбиесіне байланысты біршама мағлұматтар айтылды. Мектеп-лицейдің алғашқы әскери дайындық мұғалімі Жақия Ернұр «Ер азамат атыңа лайық бол!» деген ұранмен ой тастап, педагог-психологтар тарапынан да ақыл-кеңестер берілді.
Авторство:
