2021 жылдың 25 қарашасында 3 - сыныптар арасында «Тұңғыш Елбасының келелі жолдары» ашық танымдық сағаты өткізілді. Танымдық сағаттың мақсаты: оқушыларды Елбасының өмір жолынан үлгі ала отырып, Отанын, халқын сүюге, ержүректілікке, азаматтыққа, ұлттық патриоттық сезімге тәрбиелеу;
Үгіт-насихат тобы тұңғыш Президентіміздің лауазымдық қызметі туралы насихаттап, «Елбасы - Ел бағы» әнімен іс-шараның сәнін келтірді. Елбасының балалық шағы мен қызметі туралы айтылып, «Елбасымыз бос уақытында немен айналысады?» тақырыбында танымдық бейнебаян тамашаланды. Танымдық сағаты әрі қарай «Зияткер» танымдық ойынымен жалғасты. Танымдық ойын арқылы оқушылар өздерінің білімін шыңдап, өз Отандарының кішкентай патриоттары екенін дәлелдей білді. Танымдық сағат соңы «Еркін микрофон» әдісімен жүргізілген рефлексиямен аяқталды. Оқушылар мен мұғалімдер өз пікірлері мен алған әсерлерімен бөлісті. Жинаған ұпай сандарына байланысты «Зеректер» тобы үздік танылып, «Ең білгір» номинациясымен, «Айбын» тобы «Ең алғыр» номинациясымен, ал «Тәуелсіздік» тобы «Ең белсенді» топ номинациясымен марапатталды. Танымдық сағатын 3А сынып жетекшісі Аралбай Толкын Аралбайқызы жүргізді.
Авторство:
