«Тазалық Кубогы»
Адамның табиғатсыз күні жоқ,
Табиғаттың оны айтар тілі жоқ-демекші. Табиғаттың көркейіп, таза болуы тек біздің, яғни адамзаттың қолында. Егер, әрбір адам өз ісіне жауапкершілікпен қарап, әр басқан қадамын аңдып,тек салауатты өмір салтын ұстанса өзіне де, табиғатқа да оң әсерін тигізеді. Себебі, табиғат пен адам - егіз ұғым десек еш қателеспеспіз.
Табиғат – адамзат өмір сүріп жатқан орта, ортақ үй, ортақ мекен. Адамның тағдыры табиғатқа байланған. Табиғат болмаса, адам өмір сүре алмақ емес. Таза ауасы мен шипалы суы, ну орманы мен асқар тауы жоқ мекеннің қадірі де аз. Ағашы оталып, суы тартылған табиғаттың адамзат үшін берері де жоқ. Ал берері жоқ табиғатта адам қалай тіршілік кешпек. Біз табиғат беріп жатқан мөлдір суына, оттек пен азот қоспасынан жаралған біздің өміріміздегі ең қажет, яғни - ауаның таза болу, болмасы адамзаттың ісіне байланысты. Адамдардың, яғни сіздердің денсаулықтарыныз, ішкі әл-қуаттарыңыз тікелей айналадағы табиғаттың күйіне байланысты емес пе?! Сондықтан, сіздер табиғатты барынша таза ұстап, көркейтіп, түрлі экологиялық шаралармен айналасып, мысалға: ағаштар отырғызып, гүлдерді суарып, қоқыстарды жинап, әркезде сенбіліктер ұйымдастырып, табиғат үшін жақсылық жасайтын болсаңыздар, табиғат Ана сіздерге міндетті түрде алғысын білдіреді дегенге нық сенімдімін. Табиғаттың күйі, сіздің де күйіңіз десек те болады. Әрбір демалыс күндері орманға шығып, тап-таза табиғат аясында серуендегенге не жетсін?! Ол үшін ең бастысы: табиғатты аялау және қорғау. Сондықтан, біздің ең басты мақсатымыз: табиғатты барынша таза ұстап, күтіммен қарау!
Табиғат - адамзаттың анасы!
Авторство:
