Мемлекет басшысы Қасым-Жомарт Кемелұлының мектеп кітапханаларын дамыту және оқушыларды кітап оқуға баулу мақсатындағы «Оқуға құштар мектеп» жобасы аясында Ә.Ермеков атындағы мектеп-лицейі кітапханашыларының ұйымдастыруымен оқушыларды кітап оқуға шақыру үшін көптеген іс-шаралар өткізілуде. Кітап оқу баланың ой - өрісін кеңейтеді, ойлауға үйретеді, сөйлеу қабілетін, есте сақтауын, қиялын дамытады, танымдық және дамытушылық қызметін анықтайды. Осы орайда, жаппай кітап оқу акциясы «Мен оқимын! Біз оқимыз! Бәріміз оқимыз! » атты оқу сағаттары апта сайын екі күнге белгіленіп өтуде. 8 -9 сәуір күні 3«А», 3«Б» сынып оқушыларының жетекшілері Абдикенова Мереке ,Айхынбаева Аиданың бастауымен мектеп кітапханасында бір мезетте оқу бойынша 20 минут оқып, 5 минутта оқыған кітабы бойынша түсінген ойларын дәптерге жазды. Оқушылар үйден ертегі, әңгіме т.б кітаптар әкеліп, бір-бірімен алмасты. Балаларға кітап оқу қызықты, әрі тартымды болды.