Қарағанды қаласының білім бөлімінің ұйымдастыруымен XII қалалық «Ана тілі сұлтаны» байқауының қалалық кезеңіне №103 мектеп-лицейінің атынан 10-сынып оқушысы Бейбутов Жандос қатысып бақ сынады. Бес кезеңнен тұрған байқау барысында қатысушылар өнерлерін ортаға салып, білімдерін де байқата білді. Қаланың 18 мектебінен келген оқушылар арасында мектебіміздің намысын қорғаған Бейбутов Жандос жүлделі екінші орынды қанжығалады.Жетекшісі - қазақ тілі мен әдебиеті мұғалімі Адамбай Гүлзат Берікбайқызы. Қазылар алқасы мен көрермендердің баршасы Жандостың қазақтың қара домбырасымен әуелете салған әндеріне разы болып алғыстарын білдірді. Сондай-ақ қазылар алқасы оқушылардың жетекшілеріне де алғыс айтты. Жеңімпаздар мен жүлдегерлерді жетістіктерімен құттықтаймыз!