Наурыз – береке бастауы 2026 жылғы 17 наурызда Қарағанды қаласындағы №2 Балалар музыка мектебі – ЮНЕСКО клубында Наурыз мейрамы – жаңару мен көктемнің, жаңа үміттердің символы – жарқын әрі әсерлі түрде аталып өтті. Алғашқы минуттардан бастап залды жылулық, мейірім мен қуанышқа толы ерекше атмосфера баурап алды. Дарынды оқушылар мен ұстаздардың орындауындағы жанды музыка мерекеге айрықша сән беріп, көрермендерге шынайы эмоциялар сыйлады. Әрбір өнер көрсету мерекенің көркін арттырды. Бағдарламада қазақ халқының ұлттық дәстүрлері мен салт-ғұрыптарына ерекше орын берілді. Қонақтар асық ойыны, тұсау кесер, беташар және келін шай сияқты салттар арқылы халқымыздың бай мәдени мұрасымен жақынырақ танысты. Бұл дәстүрлер ұрпақтар сабақтастығын, салт-дәстүрге деген құрметті және отбасы құндылықтарын айқындайды. Бұл күн оқушыларды, ұстаздарды және ата-аналарды ортақ қуанышқа, бірлікке және ұлттық мәдениетімізге деген мақтаныш сезіміне ұйыстырды. Іс-шара аясында мектеп ұжымы директор Мажитов М.К. және кәсіподақ комитетінің төрайымы Иванова Г.В. атынан саксофон сыныбының оқытушысы Красноярова Г.З.-ны 50 жылдық мерейтойымен жылы лебізбен құттықтап, оның кәсібилігі мен еңбегіне адалдығына алғыс білдірді. Наурыз – жаңа бастамалардың бастауы, үміт пен ізгі тілектердің мерекесі. Әр шаңырақта бақыт, береке мен бірлік орнасын! Ұлыс оң болсын! Ақ мол болсын! Наурыз мейрамы құтты болсын!