Қаңтардың 20 күні мектебімізде Астана өңірлік қолбасшылығымен бірлесе отырып «Патриотизм-ұлттық рухтың асқақ белгісі» тақырыбында кездесу өткізілді. Кездесуге 10 сынып оқушыларымен, Мемлекет басшысының «Болашаққа бағдар: рухани жаңғыру» бағдарламасы аясында «Патриотизм – ұлттық рухтың асқақ белгісі» тақырыбында Астана өңірлік қолбасшылығының Қарағанды қаласындағы бөлімінен арнайы қонақтар шақырылды. Олар: «Астана» өңірлік қолбасшылығы әскерлері қолбасшы басқармасы тәрбие және идеологиялық жұмыстары басқармасы (мемлекеттік тілді дамыту және мемлекеттік – құқықтық даярлық жөніндегі) аға офицері майор А.Е.Елеукешов, баспасөз қызметінің бастығы майор А.А.Акыбаев, сержанттар құрамымен жұмыс жасау бөлімнің нұсқаушы сержанты А.Ш.Караулов.                                  Патриотизм туралы бейнефильм көрсетілді. Өлең оқылып, ән айтылды. Келген қонақтар өздерінің бөлімдері жөнінде бейнематериалдар ұсынып, ақпарат берді. Оқушылар өздерін толғандырып жүрген сұрақтарға жауап алды. Мәселен, Қазіргі ҚР Қарулы күштері және қызметі жайлы сұрақтар қойып, толық жауап алды. Оқушыларды Отанды сүюге, өз елін, тарихын білуге, жалпы адамзаттық құндылықтар мен терең көзқарастарды сіңіру арқылы таным белсенділіктерін арттыруға бағытталған пікірталас өтті. Өскелең ұрпақтың Отанға деген патриоттық сезімдерін ояту және одан әрі арттыру мәселесі қозғалды. Өз Отанына шексіз берілген, патриоттық рухы жоғары, қайсар жауынгер аға – апалардың ерлігін үлгі ету насихатталды.