2026 жылдың 12 мамыр күні Абай атындағы облыстық балалар кітапханасы балалар жазушысы, Қазақстан Жазушылар одағының мүшесі көрнекті қаламгер Мұхамеджан Етекбаевтың 90 жыл толуына орай «Ұрпақтарды біріктірген сөз » атты іс-шара ұйымдастырылды. Дөңгелек үстел жұмысына Жұпар Жақан қатысып, оқушылармен тағылымды кездесу өткізді. Іс-шара барысында оқырмандарға автордың өмірі мен шығармашылығы туралы кеңінен ақпарат беріліп, «Алатау ертегісі» шығармасына мазмұндық талдау жасалды.

6 « А », 6 « Ә», 7 «Ә» сынып оқушылары қатысты. Шара аясында « Қаламгер мұрасы» атты кітап көрмесі жасақталып, балалар жазушының өмірі және шығармаларымен танысып, оның қазақ әдебиетіне қосқан үлесі туралы мәлімет алды.

Мақсаты: Қаламгер мұрасын жас ұрпаққа насихаттау, оның шығармалары арқылы табиғаттың тылсым сырларын таныту. Жазушы туындыларында балалар біле бермейтін табиғат құбылыстары мен жан-жануарлар тіршілігі көркем тілмен бейнеленіп, оқырманды ізгілік пен мейірімге тәрбиелейді. Қаламгер мұрасы – жас ұрпаққа рухани азық, тағылымды тәрбие көзі.