2023 жылдың 12 сәуір Ғарышкерлер күні мектебіміздің 5-6 сынып оқушылары ғарышқа сапар шеккен тұңғыш қазақ, туған елін күллі әлемге паш еткен қаһарман ұл, еңбегімен еленген еңбекқор ер, адамгершілік биігіне көтерілген біртуар азамат, қазақта ешкім жетпеген биікті бірінші болып бағындырған Кеңес Одағының Батыры, Қазақстан Республикасының Халық қаһарманы Тоқтар Әубәкіровтің өмірі өзек болған «Биіктерді бағындырған» деректі фильмін тамашалады. Мектеп директоры М.Б.Сулейменов оқушыларға кіріспе сөз айтып, тарихқа шолу жасап, оқушыларға сұрақтар қойды. Фильмді тамашалаған оқушылар ерекше әсерге бөленіп, түсінген, көргендерін талдап, сұрақтарға жауап берді және мектептегі авиация және ғарышкерлер мұражайына саяхат жасады. Ғарышкерлер күні құтты болсын!