2023 жылдың 7 сәуір күні мектебімізде Qazaq club-тың бастамасымен және Қарағанды облысының білім басқармасы мен қалалық білім бөлімінің қолдауымен ұлт құндылықтарын сақтау және насихаттауға бағытталған «Қазақ күнтізбесіндегі» 9 сәуір - Ұлттық тағамдар күніне орай "Ұлттық тағам - ұлт мақтанышы" тақырыбында көрме өткізілді. Келген қонақтар мен мектеп оқушылары үшін арнайы ұйымдастырылған көрме мектебіміздің ұлттық аспаптар оркестріміздің орындауындағы "Балбырауын" күйімен ашылып, ұлттық тағамдардың әзірленуі, олардың ағзаға пайдасы және қазақ салтындағы алатын орны, ұлттық тағамдарға байланысты қалыптасқан дәстүрлер, ұлттық тағамдардың жасалу жолдары мен ерекшеліктері жайлы таныстырылыммен жалғасты. Мектеп директоры М.Б.Сулейменов ұйымдастырылып отырған көрменің мақсаты мен мән-мағынасын, мектеп өмірімен байланысын, ұлттық құндылықтарды атап өтті. Мектебіміздің оқушылары ұлттық тағамдар: құрт, ірімшік, айран, уыз, сүзбе, шелпек, бауырсақ, таба нан, салма, ши бауырсақ, қымыз, шұбат, құйрық – бауыр сияқты түрлерін таныстырды. Сондай-ақ ет тағамдарын мүшелеу, бас табақты тарту, төсті тарту жайлы айтылып, сүт тағамдардың құрамы мен пайдасы жайлы мәлімет берді. Келген қонақтар, ұстаздар, оқушылар ұлттық тағамдардан дәм татып, олардың пайдасы және емдік қасиеттері туралы мағлұмат алып кетті. Көрмеге келген қонағымыз Республикалық Қазақ клубтың атқарушысы хатшысы, күнтізбенің авторы Нұржан Сұршаұлы мектебімізге Қазақ күнтізбесіндегі атаулы күндерді таныстырып, мектепке "Қазақ күнтізбесі" сыйға тартты.

Шараның мақсаты: «Ұлттық тағамдар» күні аясында көпшілікке қазақ халқының тағамдарының түрлерін, емдік қасиеттерін, құрамын, жасалу жолдарын насихаттау. Баршамызға 9 сәуір "Ұлттық тағамдар күні" құтты болсын! Дастарханымыз әрдайым мол, ұлтымыздың дәстүрі мен құндылықтары ұмытылмасын!