5 желтоқсан күні мектебімізде "Ата-ана мен мектеп ынтымақтастығы" тақырыбында педагогикалық консилиум өткізілді. Бағдарлама бойынша мектеп жиын залында мектеп директоры Сулейменов Мұратбек Балтаұлының "Құндылықтарға негізделген тәрбие мен білім" атты баяндамасы тыңдалды. Мектептің миссиясы, мақсат, міндеттеріне сәйкес жүргізіп жатқан шараларға тоқталды, осы жылы өз жұмысын бастаған шығармашылық клубтар туралы айтылды. Тәрбиеге байланысты эксперимент көрсетіліп, құндылықтар жүйесі талқыланды.

Мектеп психологы Ж.Т. Садувакасова ата-аналармен "Бала тәрбиесі отбасынан" тақырыбында тренинг өткізді. Ата-аналарға жақсы көңіл-күй сыйлап, ынтымақтастық атмосферасын құрды.

Бағдарлама бойынша ата-аналар Пән мұғалімдерімен кездесіп, сабақ үлгерімі, тәртібі туралы мағлұмат алып, ыстық шайдан дәм татып, жақсы көңіл-күймен қайтты. Оқушының білім алудағы жетістігі ата-ана мен ұстаз, мектеп арасындағы ынтымақтастықтың, үштік одақтын бірлесе жұмыс жасауында.