2 желтоқсан күні мектебіміздің оқушылары "Балалар жылы" және ҚР Тәуелсіздік күніне, 1917 жылдың 12 желтоқсанында Алаш автономиясының құрылуына 105 жыл толуына орай өткізілген "Тәуелсіздік - Алаш ұрпағы" қалалық байқауына қатысып келді. Байқау мақсаты: жас ұрпақтың арасында ұлттық тіліміз бен зиялы тұлғалардың шығармашылықтарын насихаттау; жастардың өнерге деген қабілеттерін дамытып, еліне, туған жеріне деген патриоттық сезімдерін арттыру.

Байқау 4 бағыт бойынша өтті, 1-4 сыныптар аралығында "Патриоттық әндер" байқауынан мектебіміздің 2 "Ә" сынып оқушысы Рахымхан Айбике ІІ орынды жеңіп алып,5-8 сыныптар аралығында "Сахналық қойылым" бағыты бойынша 6 "А" сынып оқушылары ІІІ орынды жеңіп алды.Байқауға қала мектептерінен көп өнерлі оқушылар қатысты, қызықты да тартымды өткен байқау көп ақпарат пен эмоция сыйлады. Бүгінгі бейбіт күніміз үшін тер төккен, ұлттық мүддені өз мүдесінен биік қойып, халық үшін жанын берген зиялы қауым өкілдерін құрметпен есімізде мәңгі сақтап жүрейік!

Оқушыларды байқауға дайындаған ұстаздар: оқу ісінің орынбасары Жумагулова К.А, тәрбие ісінің орынбасары Жакупова Г.Қ, музыка пәнінің мұғалімі Тажибекова Н.Б, тарих пәнінің мұғалімі Аманжанова С.Б, 6 "А" сынып жетекші Ахметова А.Р. алғысымызды білдіріп, шығармашылық табыс тілейміз!