Балалар жылы аясында мектебіміздің 10-11 сынып оқушылары Академик Е.А. Бөкетов атындағы Қарағанды университетіне мектеп пен Жоғары оқу орындары арасындағы сабақтастықты дамыту мақсатында химия-биология пәнінің мұғалімі Н.А.Кобдикбаеваның ұйымдастыруымен экскурсияға барды. Экскурсия барысында оқушылар биология-география факультетінің "Табиғат мұражайы", "Цифрландырылған кітапхана" сонымен қатар биологиялық зертханамен танысты. Жоғары сынып оқушылары болашақ кәсіби, өзінің алдағы атқаратын ісі туралы көп ойланады. Осы тұста оның өмір жолын таңдауына игі әсер ететін факторлардың бірі оның танымдық қызығушылығы. Оқушы тұлғасында танымдық қызығушылықтың қалыптасып дамуына ұзақ уақыт қажет.

Сол себептен оқушылардың танымдық қызығушылықтарын қалыптастыруда мектеп пен университет арасында сабақтастықтың мәні зор. Өйткені оқушының бойындағы оқуға, білімге деген қызығушылығы әрі қарай дамып болашақ мамандығына деген қызығушылығына ұштасу үшін мектеп қабырғасында атқарылған жұмыстар жоғары оқу орнында әрі қарай жаңа деңгейде жалғасын табады.

@buketov.university