Балалар жылының аясында "Отбасы күніне" орай 8ә сынып оқушысы Төленді Оразгелдінің әкесі "Менің отбасымдағы дәстүрлер" атты тақырыптық бейнероликке қатысты. Бейнероликтен әкесінің баласына қамшы өруді үйретіп, түсіндіргенін көруге болады.

Баға жетпес ұлттық құндылығымыздың бірі – қамшы. Бұл бүгінде әр қазақтың шаңырағына сән беретін ұлттық бұйым. Халқымыздың тұрмыс-тіршілігінде, салт-дәстүрінде қамшының алатын орны ерекше. Ол бірегей өнер туындысы ғана емес, сый-сыяпаттың төресі, ер жігіттің серігі, шаңырақтың киесі саналған. Сол себепті, әрбір қазақ қамшының қасиетін біліп жүруі керек.