Қарағанды қаласының №6 жалпы білім беретін мектебінде "Қылмыстық жауапкершілік сезіндіру" тақырыбында Михайловка полиция бөлімшесінің тергеу бөлімінің орынбасары майор Сатанов Саят Болатович оқушылармен түсіндірме жұмыстарын жүргізді. Құқық бұзушылық — қоғамға зиян келтіретін және заң бойынша жазаланатын қоғамға қарсы әрекет екенін нақты мысалдар келтіріп түсіндірді. Құқық бұзушылықтың барынша қауіпті түрі қылмыс болып табылатынын да атап өтті. Кәмелеттік жасқа толмағандардың қылмысы, қылмыстық жауапкершілік, оған қолданылатын жаза түрлерін толық талданды. Оқушылардың қылмыс, қылмыстық жауапкершілік ұғымдары туралы көп мәлімет алғандары анық байқалды.