Білім негізі-бастауышта

30.03.2022 жылы Әл-Фараби атындағы мектеп-гимназиясында каникул кезінде бастау алған облыстық ұстаздардың басын қосқан форумның соңғы кезеңі бастауыш сынып мұғалімдерінің қатысуымен өткізілген "Бастауыш мектеп: Білім мен ғылымның негізі" тақырыбындағы форум өз мәресіне жетті. Форумның бірінші бөлімі секциялық кезеңмен басталып, жан-жақтан жиналған ұстаздар бірнеше пікірталас алаңдарында өзекті мәселелер мен ойларын бөлісіп, ортаға салды. Форумның екінші кезеңі пленарлық отырыс пен жалғасын тапты. Отырыста ең бірінші сөз алған облыстық білім басқармасының басшысы Қожахметова Г.Ш. Республикалық деңгейде өткізілген съезде айтылған мәселелерге тоқталып, соның жалғасы ретінде осы форум өткізіліп отырғандығын айтып өтті. Сонымен қатар оқу әдістемелік орталығының басшысы Абдикерова Б.Х. да ауа райының қолайсыздығына қарамастан келген ұстаздарға алғысын білдіріп, форумда қозғалған функционалдық сауаттылық бойынша өз ойын айтып, мәселелерге тоқталды және форумның әлі де өз жалғасын табатынына тоқталды.