2022 жылдың 11 наурыз күні "Екі жұлдыз" сайысы өтті. Сайысқа 5-9 сынып оқушылары мен мектеп ұстаздары қатысты. Бірінші және екінші кезеңінен өткен 4 жұп бүгінгі екі жұлдыз байқауының ақтық мәресінде өз өнерлерін көрсетті. Қорытындылай келе, "жүзден жүйрік, мыңнан тұлпарлар" анықталды. Осы байқауды ұйымдастырып отырған мектебіміздің "Қамқоршылық кеңесі" ұйымына алғысымыз шексіз! Көрермендер өз ризашылықтарын білдіріп, барлығы жоғары деңгейде өткенін тілге тиек етті.

Шараның мақсаты: Дарынды балаларды анықтап, шығармашылық қолдау көрсету, әншілік қасиеттерін, өнерге деген құштарлығын ояту. Ата-ана, оқушы, ұстаз арасында тығыз байланыс орнату.

Жарыстың қорытындысы бойынша, қазылар алқасы әділ бағаларын бере отырып, ІІІ орын 9 "А" сынып оқушысы Жұртыбай Жалғас пен мектеп тәлімгері Ұзақбаева Балғын, ІІ орын 5 "Ә" сынып оқушысы Қайырғали Ділнұр мен тарих пәнінің мұғалімі Алдабаева Гүлдана, І орын 8 "А" сынып оқушысы Тоқашев Абылайхан және мектеп хатшысы Сарсенбекова Диана, бас жүлде иегерлері 6 "Ә" сынып оқушысы Оразалықызы Айзере мен математика пәнінің мұғалімі, жас маман Абдықадырова Динара иеленді.