2022 жылдың 12 қаңтарында мұғалімдердің қысқы демалыс жұмыс жоспарына сәйкес, мектеп директоры М.Б. Сулейменов «Қысқа мерзімді сабақ жоспарын құрастырудың тиімді жолдары» тақырыбында семинар-тренинг өткізді.
Семинар-тренингте оқыту үдерісін ұйымдастыруда басшылыққа алынатын нормативтік және әдістемелік құжаттар таныстырылды. Пән бойынша оқу бағдарламаларына SWOT-талдау жасалды. Оқу жоспарларының ерекшеліктері қарастырылып, оқу мақсатымен жұмыс жасаудың әдіс-тәсілдері ұсынылды. Сабақ мақсатын тиімді (SMART мақсат) құрастырудың жолдарына тоқталды.
Сонымен қатар, сабақ кезеңдері бойынша оқу тапсырмаларын дайындау, уақытты белгілеу, белсенді оқытудың әдіс-тәсілдерін қолдану, сыныпта ынтымақтастық ахуалды орнатуда әдістемелік көмектер ұсынылды.
Семинар-тренинг қорытындысында мектеп мұғалімдері өздерінің кәсіби дамуындағы іс-әрекеттерін, мақсаттарын айқындады.
Авторство:
