24.12.2020 күні мектебімізде Қарағанды облыстық білім басқармасы, Қарағанды қаласы білім бөлімінің қолдауымен "Авиация және ғарышкерлер" мұражайы салтанатты түрде ашылды. Мұражайдың негізін қалаушы - еңбек ардагері, Қарағанды облысының білім беру ісінің құрметті қызметкері, ұлт мақтанышы Карибекова Мағрифа Аманбековна. Мұражайдың ашылу рәсіміне келген қонақтар мұражайдағы мәліметтер қорында адамзат баласының ғарыш әлеміне жол салғанынан бастап, бүгінгі Тәуелсіз Қазақтанның ғарышкерлері жайлы ақпараттармен танысты. Бұдан әрі қонақтар «Ғарыш Сарыарқаны әлемге танытты» атты ақпараттар жиынтығының блогында Қарағанды-Қызылорда аймағындағы Байқоңыр ғарыш айлағы туралы ақпарат алды.  Мұражайдың ашылу лентасын қазақтан шыққан тұңғыш ғарышкер Тоқтар Әубәкіров Оңғарбайұлының қарындасы Қыстаубаева Күлжан Нығметқызы  және мектебіміздің 11-сынып оқушысы, футболдан Қазақстан чемпионы Утешов Жәнібек кесті. Ал мұражайдың негізгі бөлімінде қонақтар  ғарыш ғылымына үлкен үлес қосқан ұлы  ғалымдардың еңбектерімен, Байқоңыр ардагерлерімен,  әлемдегі алғашқы ғарыш кеңістігіне шыққан ғарышкерлер және Қазақ ғарышкерлері Әубәкіров Тоқтар Оңғарбайұлы, Мұсабаев Талғат Амангелдіұлы, Айымбетов Айдын Ақанұлының өмірдеректерімен танысты.