19.09.2020 күні мектебіміздің ата-аналарымен  ZOOM платформасында «Жаңа оқу жылында балаларды оқыту туралы» жалпыреспубликалық ата-аналар жиналысы өтті. Жиналыста мектеп ата-аналары жаңа оқу жылындағы оқу форматтары: сабақтың синхронды және асинхронды форматта ұйымдастырылуы, «кезекші сыныптардың» жұмыс жасау ережелері, жаңа оқу жылында білім алушыларды бағалау жүйесіндегі өзгерістер туралы мағлұматтар алды. ХХІ ғасыр-ақпараттандырылған заман. Дегенмен, ғаламтордың пайдасымен қатар қаупі де бар. Сондықтан, мектеп әкімшілігі жиналыста ғаламторды оқушылардың қауіпсіз пайдалануы үшін ата-аналардың балаларына үйрететін ережелеріне тоқталып, ата-ана тарапынан бақылауды күшейтуін сұрады. Жиналыс соңында мектеп психологі М.Ж. Карибекова  "Баланы өздігінен оқуға қалай ынталандыруға болады?" деген сауал төңірегінде бірер кеңес беріп, ата-ана мен баланың қарым-қатынас психологиясына тоқталды. Бүгінгі жиналысқа қатысқан барлық ата-аналарға алғысымызды білдіреміз!