Міне, бүгін елімізге келген короновирустық инфекцияның таралуын азайтуға арналған шаралардың бірі- қашықтан оқудың бір аптасын да артта қалдырдық. Адамзатты қараңғылықтан жарыққа алып шыққан құдіретті күш бар. Ол – білім. Кие де, қасиет те сонда.  «Білімді қыр асар, білімсіз адасар»,-деген халық даналығы тегін айтылмаса керек. Алайда, сол білімді көп нәрседен бейхабар күйінде  мектеп табалдырығын аттаған шәкірттің бойына сіңіріп, оны саналы азамат етіп қалыптастыру ісінің басында ұстаздың еңбегі тұратыны ақиқат. Сондықтан, осындай қиын кезеңдегі өлшеусіз еңбегі үшін мектебіміздің ата-аналары мен оқушылары ұстаздарға алғысын білдірді.