Жаратылыстану-математика пәндер әдістемелік бірлестігінің онкүндік аясында 9-11 сыныптар аралығында ҚарМУ физика-техникалық факультетімен бірлесе ұйымдастырылған физика пәнінен олимпиада өткізілді. Олимпиаданы физика-техника факультетінің деканы Зейниденов Асылбек Калкенович ашып, ҚарМУ-ті және физика-техникалық факультеті жайында, жалпы білім беру саласындағы өзгерістермен оқушыларды таныстырып өтті. Олимпиада соңында жүлделі орын алған оқушыларды І, ІІ, ІІІ дәрежелі дипломдармен марапаттады. Мектеп директоры М.Б.Сулейменовқа және физика пәні мұғалімі Тажибаева Гүлден Ғазизқызына алғыс хат берілді. Осымен әрі қарай ынтымақтастықты жалғастыру мақсатында оқушыларды физика-техникалық факультетінде орналасқан ғылыми институттар мен зертханаларды таныстыру үшін экскурсияларға апаруға және ғалымдармен ғылыми жобаларға таратуға келісім жасалды.

Олимпиаданы ұйымдастырған физика пәні мұғалімі Тажибаева Гүлден Ғазизқызы.