№6 жалпы білім беретін орта мектебінде Елбасының «Болашаққа бағдар:Рухани жаңғыру» мақаласы аясында, Астананың 20 жылдық мерейтойы қарсаңында «Ұлттық құндылықтар» алаңының салтанатты түрде ашылуы болды.Оған мектеп ата-аналары, ұстаздары мен оқушылары, қорғаншылық кеңесінің мүшелері, «Болашақ» академиясының өкілдері қатысты.Мектебімізге келген қонақтар: қорғаншылық кеңесінің төрағасы Б.А.Кенжебаев пен «Болашақ» академиясының қазақ тілі мен әдебиеті кафедрасының меңгерушісі, профессор Қ.З.Сембиев алаңды ашып, өз лебіздерін білдірді.Алаңның «Рухани жаңғыру – ұлт негізі» бөлімінде мектеп тарихы, туған елге тағзым негізінде облыстар тарихы, Қарағанды өлкесінің тарихы, «Елбасы – елмен бірге» және «100 кітап жобасы» көрсетілсе, «Ұлттық құндылықтар – рухани байлығымыз» бөлімінде мәдени мұра болып қалған ұлттық оюлар, киізден жасалған бұйымдар, зергерлік бұйымдар және ұлттық нақыштағы қазақтың киіз үйі орын алған.Сонымен қатар, оқушылар мәнеріне келтіріп өлең оқып, тамылжыта ән салып, би биледі, жобаларын қорғады.
Байланыс телефондары
