БАЛАНЫҢ БАЛАБАҚШАҒА БЕЙІМДЕЛУІ

Үнемі ата – аналардың көбі балаланың балабақшаға барған алғашқы аптасынан бастап өзгеріске ұшырағандығын, ашуланшақ және басқаруға келмейтінін байқайды. Баланың балабақшаға бейімделуіне, өміріндегі жаңа кезеңге үйренуіне қалай көмек беруге болады?

Егер кешке баланы балабақшадан кейін бағу қиын болса, ондай әрекеттің негізгі себебі – шаршағандығы. Бұрын баланы жақын туыстары мен құм алаңындағы достары ғана қоршаған еді, ал енді ол үлкен және шулы ортада күні бойы журуге мәжбүр. Анасынан ажырауы және маңайында таныс емес бөтен адамдардың көп болуы – кішкентай бала үшін қобалжудың негізгікөзі болып табылады. Сонымен қатар, ол үйде бір ережемен өмір сүреді, ал олар балабақшада көп жағдайда одан өзгеше болып келеді. Ол күндеүйде сіздің қарым – қатынас стиліңізге, балабақшада тәрбиешінің қарым – қатынас стиілене ауысып отыруы қажет. Сондықтан, әрдайым қамқорлық танытатын ата – ана балаға жарақат әкелетін жағымсыз жағдайларды жеңілдетіп, балабақшаға бейімделуіне көмек көрсетуі және балабақшадан қайтқан кездегі шаршағандығын басуы қажет.