Ұлы кемеңгер, ойшыл ақынымыз Абайдың  175 жылдық  мерейтойына орай , оның өлеңдерін,қара сөздерін, жас ұрпаққа насихаттау мақсатында  12 ақпан күні «Тілек»бөбекжайында  «Абай - дана,Абай -дара қазақта» атты әдеби сазды байқау өтті. Байқауға  бөбекжайдың  ересек және мектеп алды топтары қатысып өз өнерлерін көрсетті.Байқауға  ата- аналар және «Тілдер орталығының » білім меңгерушісі  Жакаева Жұпар Рысқұлқызы , «Жайық Бектұров атындағы Қарағанды облыстық жасөспірімдер кітапханасының» балаларға қызмет көрсету бөлімінің кітапханашысы  Аширова Алтынай Рамазановна қонаққа шақырылып,әділ қазылар алқасы болып сайланды. Қазылар алқасы бүлдіршіндердің тіл тазалығына, орындау шеберлігіне, сахна мәдениетіне, сыртқы келбетінің сәйкестігіне мән бере бағалады.Бүлдіршіндер  Абайдың «Ғылым таппай мақтанба», «Жасымда ғылым бар деп ескермедім», «Қыс», «Әсемпаз болма әрнеге», « Құлақтан кіріп бойды алар» және «Сегіз аяқ», «Көзімнің қарасы»әндерін  тамылжыта орындап  көрермендер қошеметіне  ие болды. Байқауға қатысқан бүлдіршіндерді  жүлделі орындармен мараппаттап  бас жүлдені  ересек«Шағала»тобының  бүлдіршіндері  Диасқызы Айша, Айтмұханбет Аяла  жеңіп алды.Байқауға  дайындаған бүлдіршіндер жетекшілерін де  Алғыс хатпен марапатталды.