Ақпан айының 3 және 11 аралығында  «Тілек» бөбекжайында   «Өзін- өзі тану: сүйіспеншілік пен шығармашылық педагогикасы» атты онкүндік  ашылу  салтанаты болып өтті.Декаданың негізгі мақсаты: адамгершілік рухани білім беру бағдарламасының негізінде балаларды жалпы  адами  құндылықтар  әлеміне тартып, адами  қарым- қатынас нормасымен таныстыру. Жиынды балабақша  директоры  Р.А. Аугалиева  ашып, «Өзін- өзі тану» туралы  қысқаша түсінік беріп, Сара Алпысқызының  өміріне шолу жасады. Балабақша әдіскері  А.М.Хаирова   онкүндік  іс- шараның жоспарымен таныстырды. Іс- шараның өткізілу уақыты белгіленіп, жауапты  мамандарға бекітілді.Бұл  іс- шарада балабақша  психологы  Б.Ж.Тукенова  «Жақсы көңіл -күй сыйлаймын- досыма»  атты  тақырыпта  педагог тренинг өткізді. «Балдәурен» мектепалды  даярлық тобының бүлдіршіндері «Ән көңілдің ажары» ән байқауында және сахналық көріністер көрсетіп,өнерлерін  ортаға салды. «Өзін -өзі тану» бойынша ұйымдастырылған  «Мейірімділік- асыл қасиет» тақырыбында  оқу қызметінің мақсаты: балаларға қамқорлық,кеңпейілдік түсініктерін кеңейту,балалар бойындағы  мейірімділік сезімдері,жақсы қасиеттерін дамыту. «Менің отбасым»тақырыбында  ата- аналар фото-коллаж шығарып, қолөнер жұмыстарынан  көрме ұйымдастырылды.Онкүндік іс- шараға балабақшамыздың тәрбиешілері, музыка жетекшілері  С.Н.Аринова, А.Өмен , психологы Б.Ж.Тукенова  атсалыса қатысты.